之 前 都 講 過 黑 警 會 塞 毒 品 入 你 袋 屈 你 藏 毒 ， 大 家 要 小 心 ！
寃案 假案 錯案
不是電影橋段。十五年前，花園街小販陳子俊參與古惑仔飯局後，被數名便衣探員拉到後巷，要他為警方「做針」，提供黑社會販毒資料。陳拒絕後遭「暗角打鑊」，探員老羞成怒，將一包白粉塞進他褲袋，屈他藏毒。
明明無辜，亦沒毒癮，最終藏毒罪成。陳遭收監四個月，堂堂男子漢，終日在獄中哭泣，抑鬱得有自殺傾向。事隔多年，陳早已上訴成功，對鏡頭仍苦笑道：「我以為拍雷洛時代（電影）先會有呢啲……講得難聽啲，佢哋（警察）仲衰過黑社會。」
有人成功推翻寃案，亦有人為證清白，奔波十年。五旬漢黃寶生稱被十一歲女童誣告非禮，為無中生有的假案含寃入獄半年，他曾為此跳軌自殺。尋求公義之路，仍看不到盡頭。
另一名預科男生成功考上大學，卻疑被錯認為色魔被判監，終審上訴失敗，一生背負強姦犯之名。香港大學法律學院首席講師張達明相信他無辜，未能翻案，成為他律師生涯中一大遺憾，「始終我唔係上帝，永遠唔會知真相係點。」
--
「我覺得好委屈，好唔好彩，點解呢啲事會發生喺我身上。」現年三十五歲的陳子俊提及陳年往事，一臉無奈。事情要追溯到二○○○年一月十二日。當晚，十九歲的他在旺角花園街收檔後，跟一群陀地到紅磡吃飯，離開時獨自行經必嘉街，被一群素未謀面的便衣探員帶到後巷。其中一名探員劈頭便向他說：「你做過啲咩，心照啦。」
屈打成招
陳沒黑社會背景，他回應：「我做過啲咩阿 Sir？我做正行㗎。」「你唔好扮嘢，你同嗰啲人坐得埋，好人有限。」探員不信他，開始查問有關陀地牽涉的毒品交易，陳表明根本不知情。探員聞言後打他一鎚，「扮嘢？」陳再稱不知情，換來一輪毆打，「又打心口，又打肚，前後都打咗幾個字。」陳強調花園街龍蛇混雜，他擺檔賣衫，跟黑社會混熟「只係唔想俾人搞」。
探員轉口風說：「細佬，一係你幫我收風，睇吓佢哋點運作。」陳拒絕，探員態度強硬說：「唔到你揀。」陳拒絕下被毆至蹲在地上，有探員指：「你再唔幫手，信唔信我告你藏毒？」隨即將一包白粉塞進他褲袋並拘捕他。陳被帶返警署，警察預備了招認口供，指毒品屬陳自用，但他並無毒癮。探員再對他拳打腳踢，「唔簽名又打，冇得唔簽。」警方讓他擔保，之後三個月仍要求他做針但不果，便落案起訴他。
幸運重生
陳最終罪成，被收押約四個月等候報告判刑，他在獄中經常躲起來喊，「第一，好驚；第二，周圍啲人同我講，入咗去唔使旨意出得返嚟，尤其衰毒品。」他最終被判社會服務令，○一年上訴得直，現職裝修工，一家四口生活安穩。
要陳形容對警察感覺，他想也不用想便回答「好黑暗」，認為十多年來，警察處事手法「冇好過」。七警暗角打鑊事件，他看見新聞片段，即想起本身經歷，「如果唔係鏡頭對住，曾健超肯定冇仇報。」
對於佔領中環，他認為：「由警察放催淚彈，我都知被拉嘅人都冇得走，只有佢哋（警察）講，要屈你做乜就乜。」他認為法律並不公平，只是幫助有錢及權勢之人，「有幾多人好似我咁好彩？」
節錄 > http://hk.next.nextmedia.com/article/1345/17674763
撰文：李啟發、張馨文
攝影、攝錄：郭永強、翁少陽
Search